Arik Brauer - Das Kipferl Songtext
Du ißt a Kipferl,
trinkst an Kaffee,
und derweil passieren Sachen!
Ja, da sitz i mi zur Jausen
Gar so sicher und so fesch,
Weil i wüi a Kipferl schmausen;
Ja, des Kipferl is so resch!
Grad hab i den Butter aufipatzt
Und denk mir nix dabei,
Da is einer gstorbn als wia a Häuslratz,
Z'weng dera Hungerei.
Des Kaffeheferl tu i lupfn,
und i giaß ma an Kaffee.
Weißen Schlagobers drübergupfen,
Und i traam vom ersten Schnee.
Grad hab i den Zucker einig'schupft
Und denk mir nix dabei,
Da san ihrer zwölfe über's Messer g'hupft
Z'weng der Faschisterei.
Und i tunk des Kipferl eini,
Ja, i waak's a bißerl auf,
Und dann schließ i meine Äugerl,
Und i reiß die Pappn auf.
Grad hab i des Kipferl einig'steckt
Und denk mir nix dabei,
Ja, da is a ganze schöne Stadt verreckt
Z'weng dera Bomberei.
Und i heb in die Höh des Heferl,
Ja, i nimm an guatn Schluck,
Und mei Zunga reißt des Kipferl
Aus der Backn mit an Ruck.
Grad hab i des Kipferl owabampft
Und denk mir nix dabei,
Ja, da is de ganze schöne Welt verdampft
Z'wengs ana Streiterei.
Falsches Video?
Dieses Video ist aktuell für den Songtext hinterlegt:
https://www.youtube.com/watch?v=hDeFYKmgePQ
Falsch? Dann Trage hier den Link für das richtige Video von YouTube ein.
Was denkst du über "Das Kipferl"?