An Sprung übas Wasserl Songtext / Lyric

An Sprung übas Wasserl, an Juchiza drauf, / an Klopfa ans Fensterl, schöns Dianerl, mach auf; / schöns Dianerl, steh auf, tua mi eini lassn, / laß mi net so lang steh auf da weitn Straßn. Jetzt liab i zwoa Dianerl, an alts und a neuchs, / jetzt brauch i zwoa Herzerl, a falsch und a treus, / was sollt i jetzt toa, sollt i 's alte ghaltn, / oda sollt i mei Herzerl ausanandaspaltn? Und wennst mit dein Herzerl so gschparig willst sei, / na nimmst a Papierl und wicklst da's ei, / tuas eichi in a Gschpadei und bindst da's fest zua, / nacha werd's da net stabig und stiehlt da's koa Bua.