Kimmt daher die Wintazeit Songtext / Lyric

Kimmt daher die Wintazeit, / freu'n sich alle Mannaleut, / gehngan's außi aufn Anga, / mit da Eisboh' teans ofanga, / daß sie firtig werd und stimmt, / bis die große Kältn kimmt. Auskihrt schö und d'Wandl gricht, / hat die Eisboh' erst a Gsicht! / An Spritzkruag brauchst und a an Hobi, / nacha werd's erst fein und nobi / und da Eisstock kriagt a Wax, / daß a tanzt auf Huiraxdax! Schiaßzeit is, wia's Weda mag, / meist'ns am Stefanitag. / Auf d'Mittagszeit werd vergessn, / d'Hausfrau wart' dahoam mit'n Essn, / doch da Moar schreit mit sein Baß: / "Schneidamanndl, no a Maß!"