Meum est propositum Songtext / Lyric

1. Strophe:

Meum est propositum in taberna mori, ubi vina proxima morientis ori. Tunc cantabunt laetius angelorum chori Deus sit propittius [: isti potatori. :] 2. Strophe:

Poculis accenditur animi lucerna, cor inbutum nectare volat ad superna. Mihi sapit dulcius vinum de taberna, quam quod aqua miscuit praesulis pincerna. 3. Strophe:

Loca vitant publica quidam poetarum et secretas eligunt sedes latebrarum, student, instant, vigilant nec laborant parum, et vix tandem reddere possunt opus clarum.

4. Strophe:

Ieiunant et abstinent poetarum chori, vitant rixas publicas et tumultus fori et ut opus faciant, quod non possit mori, moriuntur studio subditi labori.

5. Strophe:

Unicuique proprium dat natura munus: ego numquam potui scribere ieiunus, me ieiunum vincere posset puer unus. Sitim et ieiunium odi tamquam funus.

6. Strophe:

Unicuique proprium dat natura donum; ego versus faciens bibo vinum bonum, et quod habent purius doliacauponum; vinum tale generat copiam sermonum.

7. Strophe:

Tales versus facio, quale vinum bibo, nichil possum facere nisi sumpto cibo; nichil valent penitus, que ieiunus scribo, Nasonem post calices carmine preibo.

8. Strophe:

Mihi Nunquam spiritus poetrie daur, nisi prius fuerit venter bene satur; dum in arce cerebri Bacchus dominatur, in me Phebus irruit et miranda fatur.